T' I SHKRUAJMË PA GABIME EMËRTIMET E AMBASADORËVE

---

T' I SHKRUAJMË PA GABIME EMËRTIMET E AMBASADORËVE

Në jetën tonë të përditshme shpesh hasim shkrime të llojllojshme kur shkruajmë për të njëjtën gjë.

Të tilla janë edhe ato të nivelit adminstrativ shtetëror, sidomos në fushën e diplomacisë.

Këtu e kemi fjalën për emërtimin e ambasadorëve që është një e drejtë kushtetuese e çdo shteti veç e veç, i cili bëhet në përputhje me Ligjin e Ministrisë së Punëve të Jashtme dhe Ligjin e Shërbimit të Jashtëm të Republikës.

Kësodore do t'i prezantojmë disa variante që kemi hasur të shkruara lidhur me këtë, pa pasur njohuri se si shkruhen me drejtshkrim këto emërime!

P.sh.:

1. Ambasador i jashtëzakonshëm dhe fuqiplotë;

2. ambasador i jashtëzakonshëm dhe fuqiplotë i republikës;

3. Ambasador i Jashtëzakonshëm dhe Fuqiplotë i Republikës;

4. ambasador rezident, të jashtëzakonshëm dhe fuqiplotë të Republikës;

5. Ambasador Fuqiplotë i Plotëfuqishëm i Kosovës në Francë etj. etj.

Sipas kësaj që u sipërshënua del se kemi shumë lajthitje drejtshkrimore, kur një është i saktë si në numrin rendor 3, ku duhet shkruar me shkronjën e parë të madhe: Ambasador i Jashtëzakonshëm dhe Fuqiplotë i Republikës ...

Më poshtë do t'i japim të dokumentuara se si duken të shkruara këto emërtime.



~Prof. Hamdi Mazreku

---