Cenoj apo Cënoj? Shemb apo Shëmb? Qendër apo Qëndër? Kam qenë apo Kam qënë?

---

Cenoj apo Cënoj? Shemb apo Shëmb? Qendër apo Qëndër? Kam qenë apo Kam qënë?

Nisur nga pyetje e pak ditëve më parë, po japim përgjigjen e saktë!

Atëherë, shkruhen me "e" (dhe jo me ë) fjalët ku kjo zanore është e theksuar dhe ndiqet ose ka qenë ndjekur në të kaluarën nga një bashkëtingëllore hundore (m, n, nj). Gjithashtu, shkruhen me "e" fjalët e prejardhura ose të përbëra të formuara prej tyre, pavarësisht nga lëvizja e theksit. Dhe kemi: shemb, cenoj, (më) dhemb, dhembje, emër, emëror, femër, femërore, gjemb, gjembaç, e premte, rremb, shembull, shembullor, i, pashembullt, shemër, i shtrembër, shtrembëroj, tremb, thembër, zemër, zemëroj, argjend, argjendar, brenda, i brendshëm, cen, çmend, (i, e) çmendur, dend, (i, e) dendur, deng, dhen, end, gjendje, kuvend, kuvendoj, mend, mendje, mendoj, mendim, përmend, përmendore, parmendë, pendë, qendër, qendror, (kam) qenë, qenie, qenësi, qengj, shpend, tendë, vend, vendës, vendos, vendim, zëvendës, zëvendësoj, e enjte, gështenjë, ndenja etj.

Përgatiti S. Agolli

---